5 kombinime suplementesh, që duhen shmangur!

Shumë nga ne nuk ndjekin dieta të mirëfillta ushqimore. Si rezultat, trupi jonë ka mungesa në vitamina dhe minerale të caktuara.

Atëherë, çfarë bëjmë ne kur kemi një ose më shumë mungesë vitaminash? Ne ose ndryshojmë zgjedhjet tona ushqimore ose marrim suplemente për të mbushur këto boshllëqe.

Sipas një sondazhi të kryer në emër të Shoqatës Amerikane të Osteopatikëve, 86% e Amerikanëve marrin vitamina ose suplemente.  

Por, nqs keni më shumë se një mungesë vitaminash, ose jeni duke marrë suplemente për të mbështetur një tjetër fushë kyçe të shëndetit, a mundesh ti kursesh kohë vetes dhe ti marrësh të gjitha barnat përnjëherë?

Mundesh, por nuk është një ide e mirë. Për disa suplemente, përthithja optimale varet nga koha e ditës së marrë. Por jo vetëm kjo, marrja e disa vitaminave, mineraleve, ose suplementeve të tjera sëbashku mund të reduktojë përthithjen dhe mund të japë ndërveprim të padëshiruar. Kjo mund të dëmtojë shëndetin.

Le të shikojmë 5 kombinimet e suplementeve, të cilat duhet të shmangen:

       Multivitaminat

Përpara se të flasim për kombinimet, duhet të shqyrtojmë më kryesoret: Multivitaminat. Nqs lëndë ushqyese të ndryshme ndërveprojnë në mënyrë të pafavorshme me njëri – tjetrin, atëherë si munden multivitaminat të jenë pjesë e tregut? Shumica e multivitaminave janë formuluar në atë mënyrë që të shmanget çdo ndërveprim negativ lëndë ushqyese – lëndë ushqyese. Ato përmbajnë nivelet e duhura të lëndëve ushqyese sinergjike dhe antagoniste, që do të thotë disa vitamina dhe minerale mund të përmirësojnë ose pengojnë të tjerët.

Për shembull, kërkimet kanë treguar që magnezi përmirëson nivelet e vitaminës D. Në anën tjetër, vitamina A pengon marrjen e vitaminës D. Kjo është arsyeja pse përqindja ditore e vitaminës D është më e lartë se vitamina A në shumicën e etiketave të multivitaminave.

Ana negative është ,që mund të merrni më shumë ose më pak nga një vitaminë ose mineral. Nëse keni mungesë të vitaminës, marrja e një multivitamine nuk mbush mungesat e lëndëve ushqyese. Në anën tjetër, nivele të tepërta të vitaminave të tretshme në yndyrna si A, D, E, dhe K, të marra nga ushqimet ose suplementet, mund të krijojnë toksicitet në trup, dhe të shkaktojnë probleme me shëndetin.

Një tjetër disavantazh i multivaminave? Dy lëndë ushqyese të rëndësishme janë pak ose aspak të përfshira si kalçiumi dhe magnezi. Ato konsiderohen makronutrientë sepse vlerat e tyre duhet të mbahen në nivele të larta. Kërkesat ditore të kalçiumit për meshkuj dhe femra të moshës 51 – 70 vjeç janë përkatësisht, 1000 mg dhe 1200 mg. Për meshkuj dhe femra të së njëjtës moshë, dozat ditore të magnezit janë përkatësisht, 420 mg dhe 320 mg. Atëherë, pse janë kalçiumi dhe magnezi të përjashtuar, ose gjenden në vlera të papërfillshme? Në përgjithësi,doza të mëdha të disa mineraleve (përfshirë kalçiumin dhe magnezin) do të konkurrojnë me mineralet e tjera për absorbimin nga organizmi.

Suplementet e vetme të vitaminave ose mineraleve mbështesin një qëllim të vetëm shëndetsor ose plotësojnë mangësitë e lëndëve ushqyese, dhe për këtë arsye preferohen më shumë se multivitaminat.

Por, për të njëjtat arsye të lartpërmendura, do të renditen 5 kombinimet që duhet të shmangen.

• Kalçiumi dhe Magnezi

Ato punojnë dorë – më – dorë për të mbështetur shëndetin e kockave dhe funksione të tjera të trupit. Magnezi nevojitet për përthithjen e kalçiumit. Për arsye se, magnezi ndalon hormonin paratiroid dhe stimulon kalcitoninën, kjo sjell që kalçiumi të depozitohet në kocka duke parandaluar osteoporozën. Pa magneziumin, kalçiumi do bëhej toksik për trupin, duke depozituar vetveten në inde të buta, gjë që çon në artrit. Kështu që, ju mendoni se këto dy minerale duhet të merren bashkë?  Siç u përmend edhe më lart, marja e sasive të mëdha të mineraleve me minerale të tjera do ulë përthithjen. Për të rritur sa më shumë benefitet e kalçiumit dhe magnezit, ato duhet të merren të paktën dy orë larg njëra tjetrës.

• Bakri dhe Zinku

Të dy janë thelbësor për të siguruar një shëndet imun optimal, përfshirë shërim të brendshëm dhe të jashtëm. Ato punojnë sëbashku për të përmirësuar elasticitetin dhe rezistencën e plagëve. Por, zinku mund të interferojë në absorbimin e bakrit. Për më tepër, doza të larta të zinkut për një kohë të gjatë mund të shkaktojë mungesë të bakrit. Edhe pse e pazakontë, mungesa e bakrit mund të çojë në anemi, hipopigmentim, hipokolesterolemi, çrregullime të indit lidhor, osteoporozë, dhe defekte të tjera në kocka, metabolizëm jonormal të kockave, ataksi dhe risk të lartë për infeksion.

• Vaji i Peshkut dhe Gingko biloba

Suplementet e vajit të peshkut omega-3 nuk ofrojnë vetëm benefite në shëndetin e zemrës, por gjithashtu ndihmojnë në peshën e trupit dhe reduktimin e yndyrnave, përmirësimin e shikimit, dhe neurokognitiv. Në anën tjetër, suplementet e gingko bilobës janë përdorur për të trajtuar dëmtimet e trurit (megjithëse dëshmitë për efikasitetin e tyre janë akoma të paqarta). Por çfarë kanë këto dy suplemente të përbashkët? Ata të dy ndikojnë në hollimin e gjakut. Kështu, marrja e tyre së bashku mund të zvogëlojë ose parandalojë mpiksjen e gjakut dhe potencialisht të rrisë rrezikun e gjakderdhjes së pakontrolluar.

• Hekuri dhe Çaji jeshil

Hekuri përbën një pikë kyçe në imunitetin e trupit tonë. Ky element ndihmon ndër të tjera proçese, në transportin e oksigjenit, formimin e hemoglobinës, zbërthimin e radikaleve të lira, dhe frymëmarrjes mitokondriale. Nqs ju e merrni atë me pije të ndryshme, sidoqoftë, trupi nuk do e përthithë këtë mineral. Ndërkohë, një gotë lëng portokalli ndihmon në përthithje shumë të mire të hekurit, falë vitaminës C. Ndërkohë një gotë me qumësht ka efekt të kundërt në sajë të ndërhyrjes së kalçiumit.

Një tjetër antagonist? Çaji jeshil. Edhe pse si pije mund të ketë benefite shumë të mira për shëndetin, rritja e biodisponibilitetit të hekurit nuk është një prej tyre. Kërkimet kanë treguar që çaji jeshil kur merret në sasi të mëdha mund të çojë në anemi, që vjen nga mungesa e hekurit. Po ashtu, edhe hekuri ka një impakt negativ në efikasitetin e çajit jeshil. Në një studim të udhëhequr nga studiuesit e shtetit të Pensilvanisë, konsumimi i çajit jeshil pas një vakti të pasur me hekur zvogëlon përfitimet shëndetësore të çajit jeshil.

• Melatonina dhe St. John’s Wort

Ekstraktet e St. John’s Wort janë përdorur për shekuj si analgjezik, sedativ, dhe për të trajtuar simptomat e menopauzës, ankthin dhe depresionin. St. John’s Wort përmirëson efektet terapeutike dhe negative të bimëve ose suplementeve me veti qetësusese kur përdoren njëkohësisht. Për arsye se, melatonina njihet për efektet natyrale gjumësjellëse, është më mire të shmanget kombinimi saj me St. John’s Wort.

Zgjidhja për përftimin maksimal - Plani A

Megjithëse, suplementet ndihmojnë në plotësimin e mangësive ushqyese, studiuesit kanë treguar se lëndët ushqyese që merren nga burimet ushqimore i tejkalojnë homologët e tyre bazuar në suplemente kur bëhet fjalë për përfitimet shëndetësore. Pse? E thënë thjesht, komponimet biologjikisht aktive që gjenden në këto ushqime nuk mund të gjenden në një pilulë të vogël. Pra, kur trajtoni çdo mungesë ushqyese, gjithmonë synoni të vini dieten tuaj ushqimore në planin A.