SPF-Vështrim i përgjithshëm!
Dielli është një element thelbësor në jetën tonë. Ai na siguron të mira materiale dhe psikologjike. Vitamina D, të cilën e marrim nga ekspozimi në diell është një nga të mirat pa të cilën organizmi ynë nuk bën dot. E megjithatë, pavarësisht nga bujaria e tij e shkëlqyer, njerëzit duhet gjithashtu të mbrohen nga dielli që rrezet e tij ultravjollcë të mos shkaktojnë dëme në trupat tanë delikatë.
Cili është mbrojtësi më i fuqishëm ndaj diellit? Përgjigjia është: Kremi me SPF që duhet të jetë hapi më i rëndësishëm në rutinat tona të kujdesit të lëkurës!
Cili është kuptimi i SPF?
SPF (sun protection factor) nënkupton "faktorin e mbrojtjes nga dielli" dhe është mënyra se si ne masim mbrojtjen nga rrezet UVB të diellit, thotë Dr Heather Rogers, dermatologe e certifikuar.
SPF 15 bllokon 93% të rrezeve UVB, SPF 30 bllokon 97%, dhe SPF 50 bllokon 98%. Ekspertët rekomandojnë të qëndroni midis 30 dhe 50 SPF.
Ju duhet të siguroheni që kremi juaj i diellit të jetë "me spektër të gjerë", që do të thotë se mbron nga rrezet UVA dhe UVB. Një mënyrë e thjeshtë për t'i dalluar të dyja është UVA (ging) dhe UVB (urning). Të dyja rrezet kanë efekte të mbivendosura (d.m.th. të dyja mund të shkaktojnë djegie dhe plakje të parakohshme), por rrezet UVA janë kryesisht përgjegjëse për rrudhat e imëta dhe njollat e errëta, ndërsa rrezet UVB luajnë rolin më të rëndësishëm si shkak i kancerit të lëkurës dhe djegieve nga dielli.
Llojet e ndryshme të kremrave kundër diellit
Ekzistojnë dy lloje kryesore të kremrave kundër diellit, me filtër: fizik (a.k.a. mineral) dhe kimik.
- Kremrat me filtra fizikë, të njohur edhe si kremra minerale ose bllokues të rrezeve të diellit, zakonisht përmbajnë oksid zinku dhe/ose oksid titani. Këto minerale qëndrojnë në shtresën e sipërme të lëkurës dhe reflektojnë rrezet e diellit, duke i penguar ato të depërtojnë në lëkurë. Rekomandohen për personat me lëkurë të ndjeshme.
- Kremrat me filtra kimikë përmbajnë përbërës që përthithen në lëkurë si: avobenzone, homosalate, oktisalate dhe oktokrilen. Këta përbërës "thithin rrezatimin UV dhe i nënshtrohen një reaksioni kimik që heq energjinë e dëmshme nga rrezet UV përpara se të dëmtojë qelizat e lëkurës".
Asnjëra nuk është domosdoshmërisht më e mirë se tjetra, ata thjesht përdorin përbërës të ndryshëm aktivë.
A ka rëndësi se çfarë niveli SPF përdor?
Disa njerëz përdorin shumë më pak se sasia e rekomanduar e kremit të diellit për çdo aplikim, gjë që redukton nivelin e mbrojtjes që mund të ofrojë kremi. Nëse aplikoni SPF 30 shumë lehtë, për shembull, mund të merrni vetëm mbulimin e një SPF 15. Për çdo aplikim rekomandojmë rreth 40g krem kundër diellit në trupin tuaj dhe gjysmë lugë çaji gjithsej për fytyrën dhe qafën tuaj.
Kremrat kundër diellit me spray duhet të aplikohen derisa të shfaqet një shkëlqim homogjen në lëkurë.
Kush duhet të aplikojë krem kundër diellit?
Në thelb, të gjithë mbi gjashtë muaj duhet të përdorin krem kundër diellit. Për foshnjat nën gjashtë muaj, AAD rekomandon minimizimin e përdorimit të kremrave kundër diellit - mbrojini ata nga dielli duke i mbajtur në hije dhe duke i veshur me veshje mbrojtëse ndaj diellit.
Për të gjithë të tjerët, SPF 30 ose më lart është e detyrueshme.
“Njerëzit e të gjitha ngjyrave të lëkurës janë në rrezik për kancer të lëkurës, plakje të lëkurës dhe djegie nga dielli nga ekspozimi në diell”, thuhet në udhëzimin e FDA.
Kremi kundër diellit nuk është vetëm për ato ditë vere. Rrezet UVA mund të depërtojnë në dritaret tuaja, plus drita blu nga ekranet tuaja mund të shkaktojë dëmtim të lëkurës—kështu që sigurohuni që të mbani SPF në ditët me re, ditë me shi dhe ditët kur qëndroni brenda.
Është e rëndësishme të mos mbështeteni vetëm në kremrat e diellit me SPF të lartë. Asnjë metodë e vetme e mbrojtjes nga dielli nuk mund t'ju mbrojë në mënyrë të përsosur. Kremi i diellit është vetëm një pjesë jetike e një strategjie që duhet të përfshijë gjithashtu qëndrimi në hije dhe mbulimin me veshje, duke përfshirë kapele me strehë të gjerë dhe syze dielli që bllokojnë rrezet UV.
Referenca:
- https://www.theguardian.com/wellness/article/2024/jun/04/what-is-spf-how-much-sunscreen-should-i-apply
- https://www.heydayskincare.com/blogs/skin-deep/the-core-four-sunscreen
- Photoprotection by sunscreens, L Scherschun 1, H W Lim
- Sunscreens--the ultimate cosmetic, Ronni Wolf 1, Hagit Matz, Edith Orion, Jasna Lipozencić
- https://www.skincancer.org/blog/ask-the-expert-does-a-high-spf-protect-my-skin-better/
